Sampai ka Bali

Q Beritakan - Bacarito bahaso minang wak dulu sanak. Asli dialami,dak maota doh!
Taun 2008 pai ka jakarta maraun samo kawan kabetulan sadang bapitih, dek hobi caliak-caliak nagari urang wak naik bis sajolah, ndak usah naik kapa tabang meskipun pitih kito labiah dari cukuik untuak pambali tiket dan bisa hiduik hungkang-hungkang kaki babulan-bulan.

Singkek carito sampailah duo sakawan ko di bandara Soekarno-Hatta, deeehhh gadang sangaik bandaranyo! Antah ba a pulo kok sampai disitu, salah naik oto. Maklum baru partamo kali kajakarta.

Paniklah urang baduo sakawan ko
Kawan 1 : "kama wak lai ko ndan?" Binguang
Kawan 2 : "Antahlah, mau tau den. Jan itu pulo di tanyoan, paruik den lapa!!!
Kawan 1 : "Parah ang mah, makan ka makan sajo isi utak tu. Tau ndak, alah terdampar wak kini mah!!!" Cameh, muko alah pucek pasi.
Kawan 2 : "Hahaaahaa!!!
Kawan 1 : " Ba a kok galak ang?" Muko masam maraso di lecehkan
Kawan 2 : "Aaahhh cemen lo bro... (haha, alah pakai bahaso metropolis sakali), pitih wak masih banyak. Ka ma sajo bisa mah...!" Ma ongehnyo
Kawan 1 : "Ooo, iyo ndak... aaa den punyo ide! Ka Bali wak, capeklah ang pasan tiket 2 kini juo!!! Mato tabulalak wajah tampak tarang baliak.
Kawan 2 : " Oke bro, gue ready!" Hahay batambah ongas

Pailah sikawan mambali tiket, ndak bara lamo tibo pulo di tampek tadi baliak. Mungko tampak kurang samangaik...

Kawan 1 : " Bara harago tiketnyo ndan?" Harok-harok cameh
Kawan 2 : " Maha, kabanduang selah wak kawan" Asa manjawek
Kawan 1 : " Iyolah, ma nan karancak selah kini ko. Den manuruik senyo..."

Sudah tu naiklah bis DAMRI dari Bandara Soekarno-Hatta manuju terminal Kampuang Rambutan untuak mancari bis ka banduang. Bosan dalam perjalanan, sikawan 1 mamulai carito samo kawan 2.

Kawan 1 : "Ba kok dak ang ambiak sajo tiket tadi, pitih wak kan lai banyak lai mah..."
Kawan 2 : " Maaf bana ko ndan a, den tadi salah masuak loket tiket. Den masuak ka loket tiket ka padang!!! Malu deeeen... Untuang dak jadi tabali, kalau jadi tu tibo wak di padang baliak...." Mangecek sambia babisiak-bisiak.
Kawan 1 : " ???????? Eeee karambia cukia....!!! Manga ndak dari tadi ang katoan?" Sambia napuak-napuak jok oto.

Sampai kini urang baduo sakawan tu indak pernah sampai ka Bali...

Terimakasih atas kunjungan Anda di Q-BERITAKAN. "Bagi yang Berminat menulis di Q-BERITAKAN?. Punya Pengalaman Unik dan Menarik, atau ingin Berbagi Cerita, Berita, Informasi, Senibudaya dan informasi lainya. Silahkan Kirim tulisan anda ke e-mail: prasetyo.budi3@gmail.com atau Melalui Contact Us di bagian atas.
Share on Google Plus

About Prasetyo Budi

This is a short description in the author block about the author. You edit it by entering text in the "Biographical Info" field in the user admin panel.

1 komentar: