Manyubarang Lautan Jo Batang Ubi

Q Berotakan - Pado maso dulu, dulu bana. Maso penjajahan, antah penjajahan bulando, antah panjajahan inggirih, antah penjajah japang. Nan jaleh zaman parang malawan panjajah! Jan banyak tanyo, ndak jadi bacarito jadi e do. Baco selah sampai dima salainyo...

Alah, mulai kali?
Okelah broohhh!!!!
Lanjut, kalian Luar Biasaaa! Kato Ariel Peterpan, NOAH kini (Haha)

Pado suatu hari manjalang sanjo, abis tu pasti galok dan kalam. Sapasukan pajuang dapek parintah dari komandan, pajuangan akan dimulai. Oh?!? Takajuaklah para pejuang nan baru masuak jadi pejuang, maklum masih baru tu agak takajuik. Dek karano banyak pejuang ko polah tingkah dan niek jo bacam-macam. Ado nan ingin dapek penghargaan, ado nan bia tampak gagah perkasa, ado nan mancubo-cubo. Tapi, jan ragu. Meskipun baitu banyak nan tulus dan ikhlas, ado kiro-kiro surang duo urang! (Hehe, pemirsa kanai ota!)

Oke!
Carito di lanjuikkan! Sumangaik bana pemirsa nampak nyo mah, good!
Nan namonyo bajuang pado maso itu, tantulah masuak rimbo kalua rimbo, naik turun bukik, masuak  kalua samak, manyubarang sungai, samapai ado nan anyuik dek ndak pandai baranang, marasailah pokonyo memirsa! padohal kadang kala sasaran tu indaklah jauh bana. Paliang-paliang salingka gunuang marapi! (Hehe)

Serius ko mah! Kok bajalan ditangah labuah pado maso itu nampak dek panjajah kanai geledah, siap tu di hariak-hariak gadang, di talo jo gagang senapan, di sepak sampai tajungkang kaki di ateh kapalo teleang kakida sarato lidah tajulua, mato tabulalak gadang manahan sakik!
"Sakiknya tu disini, di dalam hatiku ..." kato Cita Citata. Gadang ota cita-cita mah, lahia se alun  lai katiko itu! (hehe)

Ko mulai serius! Nan parabo ancak pai bakirok kama suko, suko-suko hatilah situ. Untuang di pantak di panyangek! (???)
Dek alah bosan bajalan ndak juo sampai-sampai kasasaran, batanyolah salah satu pajuang tadi ka komandan:

Pejuang: " lamo lagi kita mode ini ni ko ndan? Alah melalas kaki saya dek berjalan, alah kabua pula pancaliak mata saya ini aah!" Nan kato e pulo ka komandan, bahaso sakarek ula sakarek baluik. Pejuang...gitu! Pupuahlah!

Komandan:" Ya! perjalanan kita masih panjang dan perjuangan belum usai!" Jawab kamandan tageh dan berwibawa.

Pejuang:" Kalau begitu, saya tidak sanggup lagi do ndan, saya mundur sajolah. Lah raso kapatah-patah tulang kaki saya ini ndan aah!" Panduto, padohal kaki segeh, makan paliang banyak!

Komandan" Kalau itu sudah keputusan, silahkan mundur! Ibo juo hati komandan meski nampak tageh dalam penyampain.

Singkek carito, padahal antah alah bara panjang dari tadi. Ko kabatambah pulo lai aah! Lamak ota juo penulis ko kiro e pemirsa! Antahlah...

Lanjuik...
Pajalanan pejuang-pejuang nan lain tetap balanjuik, mode carito ko. Nan pejuang maundurkan diri tadi antah kamalah pai e, lah di makan imau atau diguluang ula... lupo pulo masang camera CCTV sabalumnyo! (Hhmm)

Ondeh mande, lai dapek kaba juo kironyo tantang pejuang nan mundur tadi. Antah dari ma ndak lo jaleh do. Yolah! Nan kalamak dek penulis selah eh. Nan jaleh ndak mambuek pemirsa minum racun karanggo alah mah!

Kironyo pejuang nan maundur diri tadi alah samapi dirumah, makan lamak, lalok lamak di ateh kasua basalamuik taba. "Ndeehh, yo sanang iduik ang yuang!" Penulis agak marabo! (Grrrkkkhhh!!!)

Oh ternyata salah pemirsa!
Kironyo sampai dirumah, nan bekas sarok balai. Eh, bekas pejuang tadi manangih marauang-maraung sajadi-jadi e, kaki maosoh-osoh, mahantak-hantak ka tanah kareh, pakai mahampeh-hampeh sarato jo baguliang-guliang bagai. Lah gilonyo disapo hantu penghuni rimbo mungkin mah!

Yo, paja tu alah gilo dek harato. Bungkah ameh e ilang ternyata pemirsa!
Ko pulo carita tetangga sampiang rumah e aah:

"Eh yuang, mamkak se ang mah! Antoklah dulu, dangalah carito ko ah... Bungkah ameh ang tu nan mamabiak panjajah katiko ado pengeledahan. Ang ndak tau dokan? Ang sibuak se main koa jo minum aia tapai (tuak mungkin mah pemirsa. Hiehie). Nan mancaliak kajadian tu komandan ang nan sadang manyamar jadi tukang manyabik rumpuik! Makonyo malamnyo ang di ajaknyo masuak kalua rimbo untuk mangaja penjajah tu, tapi ang malah mundur mintak pulang. Engak ang mah! Alun pai alah babaliak, kalah sabalun bajuang. Padahal nan ka di pajuangkan tu adolah HAK ang!!!

Mantan pejuang: ??????? Ambiak batang ubi untuk rakik manyubarang lautan mangaja panjajah nan alah naik kapa pulang ka nagari e!

Pemirsa binguang pulo? Yo ndak tau penulis tu doh! Penulis se paniang, atit alo aaa! Cari selah point e dek sanak....! (Eee, sanak? Haha) ya sudahlah, lupakan. Carito e alah abih tandeh! The End, Cukup Sekian, dan Terima Kasih! Kok ado tulisan nan kasek, mambuek hati sanak sandek. Mohon maaf lahir dan batin! Urang pemaaf masuak sarugo kalau Rajin Sholat dan Beribadah lainnya.... Aamiin...!

Oleh : Abhenk Gokil

Terimakasih atas kunjungan Anda di Q-BERITAKAN. "Bagi yang Berminat menulis di Q-BERITAKAN?. Punya Pengalaman Unik dan Menarik, atau ingin Berbagi Cerita, Berita, Informasi, Senibudaya dan informasi lainya. Silahkan Kirim tulisan anda ke e-mail: prasetyo.budi3@gmail.com atau Melalui Contact Us di bagian atas.
Share on Google Plus

About Prasetyo Budi

This is a short description in the author block about the author. You edit it by entering text in the "Biographical Info" field in the user admin panel.

0 komentar:

Post a Comment